Son moitos os males que ten o noso mundo político actual.
Pero todos estos poderíanse resumir quizáis en tres: a sua falta de
independencia (neste momento respecto ao poder económico – empresarial), a
abundancia de hipocresía, e a creencia popular (nunca mellor dito) de que o
Código Penal e o castigo son os mellores remedios para todos os males do noso
país.
A min o aborto se vos son sincero non é algo que me guste. Moitos
dicen que é un asesinato. Eu non son quen para decir se sí, ou se non. E non é
que non me queira mollar, xa vos estou a dicir que non me gusta. Pero penso que
ten que ser a ciencia a que o diga, e non a moral de cada un. Pero a verdade é
que non podo evitar velo como algo negativo, xa non pola propia interrupción da
xestación, senón polo trauma que ten que supor para unha muller pasar por un
trance esí.
Pero independientemente de como o consideremos, do que non
cabe duda é que é unha realidade que sempre, sempre, existiu e existirá.Tanto nas etapas
da historia do noso país na que estaba castigado como delito polo Código Penal,
como nas etapas nas que o estaba menos.
Un fenómeno calado por vergonza das familias que só que buscásemos
un pouco na historia do noso rural galaico encontraríamos historias aterradoras
de velliñas que ían de casa en casa, “as forenses” lle chaman nalgúns sitios,
practicando abortos sen ningún tipo de hixiene. Pero se buscásemos un pouco máis,
esta vez na historia das nosas urbes (sen irnos demasiado atrás no tempo) encontraríamonos con historias verdadeiramente
aterradoras de mulleres as que lle eran practicados abortos enriba das mesas dos comedores do seu salón.
Polo tanto o único que pido e que nos deixemos de ser
hipócritas. O aborto existiu sempre, e seguirá existindo. E porque se lle
impoñan castigos penales, porque se desregule legalmente… non vai deixar de
existir. Todos estamos dacordo en que é algo negativo (incluso quen o defende
como dereito) polo tanto o camiño a priori é o que xa estabamos a seguir: unha
boa educación sexual e ver dunha vez por todas o sexo como algo natural. Igual de natural
que é nacer, crecer, comer, chorar, rir e morrer . Volver hacia políticas co
penalizan, co distancian das mulleres, o único que consegue é poñer en xogo
a vida e a dignidade de moitas mulleres. Está comprobado que desregular, penar o aborto, non reduce o seu número.
Por Deus, non deixemos que volvan as aborterías de barrio.
Nunca máis.
